Zaratak ez dezala algara isildu, zaindu iñauteriak!

Badatoz, lehertzear dira horrenbeste maite eta gozatzen ditugun iñauteriak. Kontuan izan, ordea, jaiek badutela bestelako aurpegirik. Festa-egunak sortutakoa gauean azaleratzen da. Zaborra gutxitu, zaindu iñauteriak!

Aurkeztu da dagoeneko Tolosako Udalak eta Akhonmedia produkzio-etxeak abian jarritako #tolosakoiñauteriak proiektua. Tolosako Iñauterien ohiartzuna mundu osora zabalduko duen plataformak telebista eta sare sozialak uztartuko ditu, eta www.tolosa.eus web orria erabiliko du euskarri gisa iñauterien berri emateko. Aipaturiko helbidean, bisitariek aukera izango dute munduko edozein txokotatik Tolosan zer nolako giroa dagoen ikusteko. Egitasmoa aurkezteko, prentsaurrekoa eskaini du Tolosako Udalak proiektuan parte hartuko duten zenbait kazetari eta aurkezle tolosarrekin.

Hirukide ikastetxeko Kirikiño aisialdi taldeko kideak hasi dira Astelenitako dantzaren entseguekin. Aurtengo iñauterietarako, konpartsa 'Nungunungu' tribu afrikarraz mozorrotuko da, eta euskal kultura eta kultura afrikarreko dantza nagusiak uztartuko dituzte Tolosako kaleetan barrena.

Ttenttek aisialdi taldeko kideak buru-belarri ari dira Astelenitako dantza prestatzen, 'Priscila, desertuko erregina' musikala oinarri hartuta.

Zabaldu #tolosakoiñauteriak hastag-a eta elkarbanatu guztion festa. Elkarbanatuz, edukia sortuz.